‘काठमाण्डु मेरो उत्कृष्ट सिनेमा’

निर्देशक आकाश अधिकारीको सिनेमा ‘काठमाण्डु’को सबै काम सकिएको जानकारी प्राप्त भएको छ । त्यसैअनुसार सिनेमा यो भदौमा रिलिज हुने तयारीमा छ । पुरानै खालको सुनिने पुस्तान्तरको कथा रहेको सिनेमा ‘काठमाण्डु’ ‘रेड फोर के’ क्यामराले खिचिएको हो । निर्देशक आकाशले दिएको जानकारीअनुसार यो स्तरको क्यामेरा डिसिआइको मापदण्डमा पर्छ । 


तीन जना अमेरिकी कलाकार सहित रेश मरहठ्ठा, आकाश अधिकारीलगायतका केही नयाँ अनुहारका नेपाली कलाकारको अभिनय सिनेमामा देख्न पाइने छ । निर्देशक अधिकारी स्वयं र उनका भाइ बेन-नविन अधिकारीको लगानी रहेको सिनेमा अमेरिकामा पनि सुटिङ गरेको बताउँछन् आकाश ।आफूले निर्देशन गरेका उत्कृष्ट चलचित्रमध्ये पहिलो कोटिमा 'काठमान्डु' पर्ने अधिकारलै दावि गरे । विदेशमा सुटिङ गरिएको र उच्च प्रविधिको क्यामेराले खिचिएको भएपनि सिनेमाको प्रस्तुतीकरण प्रमुख विषय हो । सिनेमाबारेको यथार्थ चाँडै नै थाहा पाइहालिन्छ ।