बिराजले रेखाको रोलमा हेरफेर गरे मात्र आफूले अभिनय गर्ने

नायिका रेखा थापा र नायक बिराज भट्टले एकसाथ एउटै चलचित्रमा अभिनय नगरेको लामो समय भयो । टंक लम्सालको चलचित्र 'प्रहार' पछि यो जोडीलाई पर्दामा देखिएको छैन र अब देखिनेवाला पनि छैनन् । कारण यि दुई बिचको पानी बाराबारले उग्र रूप लिएको छ । पछिल्लो घटनाले अझ यि दुई जीन्दगी नबोल्ने अवस्थामा पुगेका छन् ।

कुरा हो निर्माणाधिन चलचित्र 'आई लभ यू टु' को । कलाकार कमलकृष्णले निर्देशन गर्ने भनिएको सो चलचित्रमा बिराज भट्ट र रेखा थापाले अभिनय गर्ने भनिएको थियो । चलचित्रमा अभिनय गर्न दुबै राजी पनि भएका थिए । कमलकृष्णले रेखालाई अग्रिमेन्ट गरिसकेका थिए भने बिराजसँग मौखिक अग्रिमेन्ट भएको बुझिएको थियो ।

भारत तिर पसेका बिराज 'आई लभ यू टु' मा अभिनय गर्ने सोच बनाएर निर्देशकसँग स्क्रिप्ट पढ्न मागेछन् र स्क्रिप्ट पढिसकेपछि बिराजले रेखाको रोलमा हेरफेर गरे मात्र आफूले अभिनय गर्ने बताएछन् । अझ स्रोतले बताए अनुसार त बिराजले रेखाको ठाउँमा अर्कै नायिकालाई राख्नु पर्ने समेत बताएका थिए रे । तर बिडम्बना बिराजको यहि बोलीले नै रेखासँग झन दुस्मनि बढेको छ ।

बिराजले आफ्नो रोक काट्न आदेश दिएको खबर रेखाले सुने पछि अहिले रेखाको पारो चढेको छ । अब त रेखा जुन कुनै हालतमा बिराजसँग अभिनय नगर्ने पक्षमा छिन् । यता निर्देशक कमलकृष्णले बिराजलाई हटाएर अर्कै नायक राख्ने बताएका छन् । बिराज र रेखा अभिनय गर्ने भनेर युनिटले यि दुईको नाम राखेर पोस्टर समेत बनाईसकेको थियो । तर अब निर्देशक कमलकृष्णले बिराजसँग काम नगर्ने मुडमा रहेको बुझिएको छ । चलचित्र नै रेखामा आधारित रहेकोले स्क्रिप्ट चेन्ज गर्नु भन्दा नायक नै चेन्ज गर्नु राम्रो हुने भएकाले कमलकृष्णले बिराजलाई हटाएर अर्कै नायकको खोजी गरेको बताए ।

यता बिराज भट्टले आफूलाई चलचित्रबाट निकालेको र चलचित्रका निर्माता अमृतकुमार श्रेष्ठले ज्यानको धम्की दिएकोले प्रहरीमा उजुरी समेत दिएका छन् ।  महानगरीय प्रहरी अपराध महाशाखा हनुमानढोकामा बिराजले उजुरी दिएपछि निर्माता श्रेष्ठलाई प्रहरीले आफ्नो नियन्त्रणमा लिएको थियो ।

सेन्चुरी फिल्म्सको व्यानरमा निर्माण हुन लागेको चलचित्र 'आई लभ यू टु' मा रेखा थापा, कमलकृष्ण, हरि हुमागाईं र नवप्रस्तुतीको रूपमा निर्मल सेन्चुरी बाहेक अन्य कलाकार फाईनल भएको छैन । चलचित्रको छायाँकन भने साउन महिनाको दोस्रो या तेस्रो साताबाट शुरू गरिने भएको छ ।

Movie Poster only @ AbroadNepali