'दिलमा सजाएँ तिमीलाई' अमिर र युना

हेटौडाका अमिर गौतमले नायिका युना उप्रतीलाई दिलमा सजाएका छन् । मोडलिङ क्षेत्रबाट सिनेमा क्षेत्रमा प्रबेश गरेका गौतमले युनालाई सधैंका लागि दिलमा सजाएका भने हैनन् ।  केबल सवा दुई घण्टाका लागी मात्र ।

कुरा हो अमिरले अभिनय गरेको पछिल्लो चलचित्र 'दिलमा सजाएँ तिमीलाई' को । राजु अधिकारीले निर्माण गरेको यो चलचित्रमा अमिर प्रमुख हिरो भएर देखिदै छन् र उनलाई नायिका युना उप्रेतीले साथ दिएकी छिन् । हुन त उनले यो भन्दा पहिला मिसन पैसा नामक चलचित्रमा नकारात्मक रोलमा अभिनय गरेका थिए । आफूले पहिलो पटक हिरो भएर अभिनय गरेकाले दर्शकको प्रतिक्रिया लिन आफू निकै आत्तिएको अमिरको भनाई छ ।

निरज घिमिरेको निर्देशन रहेको सो चलचित्रमा अमिर युनाको साथमा आयुष रिजालको पनि मुख्य भुमिका रहेको छ । त्रिकोणत्मक प्रेम कथा रहेको सो चलचित्रमा दिलमा सजाईएको माया कहिलै नछुटने र सधै अमर रहीरहने बताईएको छ । चलचित्र दिलमा सजाएँ तिमीलाई जेष्ठ महिना सम्ममा दर्शकमाझ आउने बताईएको छ ।