सुरुआत सुखद, समाप्ती दुःखद

वर्षको समाप्ती स्वदेशी सिनेमाका लागि सुखद हुन सकेन । प्रदर्शनमा आएका चारैवटा सिनेमाले औषत ओपनिङका साथ मिश्रित कलेक्सन गरिरहेका छन् । राजेश हमाल, बिराज भट्ट, रेखा थापा स्टारर 'प्रहार', बिराज, मुकेश ढकाल, अरुणिमा लम्साल स्टारर 'निगरानी', राजवल्लभ, गरिमा स्टारर 'प्रीतिको फूल' पहिलो साता प्रदर्शन भैरहेका छन् । वितरक डिजिटल सिनेमा नेपालका अनुसार दोस्रो साता प्रदर्शन भैरहेको 'निगरानी' ३५ लाख ग्रसमा छ । बिग स्टारर 'प्रहार' १५ लाख ग्रसमा पिकअपरत छ । गोपीकृष्ण मूभिजको 'प्रीतिको फूल'ले राम्रो रिभ्यू त बटुलिरहेको छ तर उसका लागि व्यवसायिक पाटो औषत छ । यो सिनेमाले पहिलो साता प्रहारको समकक्षतामा आफूलाई उभ्याएको छ । अशोक श्रेष्ठ निर्देशित 'आत्मा'ले त आफूलाई ४ लाख ग्रस सीमित तुल्यायो ।