‘ब्याच नं १६’ ले तिन दिनमा ३५ लाख

साईलेन्स इन्टरटेनमेन्टको ब्यानरमा निर्मित एक्सन तथा थ्रिलर सिनेमा ‘ब्याच नं १६’ ले सोमबार सम्ममा ३५ लाख हाराहारीको ब्यापार गरेको डि.सि.यन बितरण प्रमुख दिपक दँगालले बताएका छन् । देशभरका लगभग ६० हलहरुमा प्रदर्शन भैरहेको सिनेमाको ब्यपारले निर्माण टोलीलाई प्रशन्न तुल्याएको छ । राजधानीको जय नेपाल हलमा सिनेमाले त्यसअघि प्रदर्शित हिन्दी सिनेमा ‘तनु वेड्स मनु’ले भन्दा राम्रो ब्यापार गरेको बताईएको छ ।

 यता चाबाहिल स्थित ‘गोपीकृष्ण मुभिज’मा पनि सिनेमाले अघिल्ला नेपाली सिनेमाहरु भन्दा उत्कृष्ट ब्यापार गरेको हलका एक सदस्यले मेरोसिनेमालाई बताए । गएको शनिबार प्रायः सिनेमा हलहरुमा ‘ब्याच नं १६’ हाउसफुलका साथ प्रदर्शन भएको थियो । पिताम्बर पाण्डे निर्देशित सिनेमा भित्र अनुप बराल, सुमन सिँह, रुबी भट्टराई, अर्पण थापा लगायतका कलाकारहरुको अभिनय रहेको छ ।