झरना महिनौंदेखि पोखरामा

तपाईं अभिनेत्री झरना बज्राचार्यको प्रशंसक हुनुहुन्छ भने पक्कै लाग्ला -मिडिया, सिनेमा, म्युजिक भिडियो र दर्शकसामु उनी पातलिएकी छिन् । चाँडै उनी गायक निमा रुम्बाको एक म्युजिक भिडियोमा देखापर्दैछिन् । यसअघि प्रशान्त तामाङको एक भिडियोमा खेलेकी थिइन् । अर्को एक नयाँ म्युजिक भिडियोमा साइन गर्ने मुडमा छिन् उनी । यी सबै कुरा जान्दाजान्दै पनि तपाईंलाई लाग्ला -हिजोआज झरना कहाँ के गर्दैछिन् ? वितेका केही महिनादेखि 'कोही..मेरो' अभिनेत्री पोखरामा छिन् । पोखराको लेखनाथस्थित बेगनास ताल नजिक स्थापना गर्न लागिएको एक ध्यान केन्द्रको निर्माणमा सघाइरहेकी छिन् । आफू अभिनित 'कोही…मेरो' फ्लप भैसकेपछि झरना सामाजिक कार्यहरुमा सकि्रय छिन् । कहिले पुस्तकालय निर्माणमा सघाउन दुर्गम संखुवासभा पुग्छिन् भने कहिले गोरखा । आलोक नेम्वाङ निर्देशित उक्त चलचित्रपछि त झरना म्युजिक भिडियोहरुमा मात्र खुम्चिइन् । व्यावसायिक चलचित्रबाट सन्यास लिएको घोषणा हामी मार्फत गरिदिएकी थिइन् । म्युजिक भिडियोलाई निरन्तरता दिनेबारे उनी सकारात्मक छिन् । पूर्वमिस नेपाल समेत रहेकी उनी पछिल्लो समय अध्यात्म र समाजसेवामा लागेकी छिन् ।