राजबल्लभ रितिक रोशनको लुक्समा

नायक राजबल्लभ कोइरालाले केहि घण्टा अगाडि आफ्नो फेसबुक अकाउण्टको प्रोफाईल पिक्चरमा एउटा भिन्नै फोटो राखेका छन् । उक्त फोटोमा केहि लामो कपाल अनि लामै दाह्रीमा देखिएका उनी यहि लुक्समा हाल छायाँकन भैरहेको सिनेमा 'अपवाद'मा अभिनय गरिरहेका छन् । उनको यो लुक्सलाई हेर्दा कता-कता बलिउड नायक रितिक रोशन जस्तो लाग्छ । जुन लुक्समा रितिक दुई बलिउड सिनेमाहरु 'काइट्स' र 'गुजारिस'मा देखा परेका थिए । रमाईलो कुरा त के भने, फेसबुकमा रहेको राजबल्लभको यो फोटोलाई प्रतिक्रिया दिँदै उनका थुप्रै साथीहरुले यो लुक्सलाई रितिक लुक्स भएको बताउँदै सिनेमाको सफलताको कामना गरेका छन् । यस फोटोको क्याप्सनमा उनले एघार दिनको कोशीको बसाँइ पछि आफु आज बिहानै काठमान्डौं आईपुगेको जानकारी दिएका छन् । शारीरिक अस्वस्थताका बाबजुद पनि सुटिँगमा रमाईलो भएको राजबल्लभको ठहर छ  ।