यश कुमार चाँडै नै अर्को सिनेमामा देखिने

सुरज सुब्बा निर्देशित सिनेमा 'बाटो मुनिको फुल'बाट नायकको पगरी गुथेका गायक यश कुमार चाँडै नै अर्को सिनेमामा देखिने भएका छन् । यश हाल दिपक श्रेष्ठ निर्देशित सिनेमा 'बिर'को छायाँकनमा ब्यस्त रहेका छन् । बिरको मुख्य पात्र अर्थात् बिरको भुमिकामा देखिन लागेका यश हाल सुटिँग युनिटका साथमा पोखरामा छन् । दाङको सुटिँग भ्याएर बिर युनिट पोखरा आएको निर्देशक दिपक श्रेष्ठले बताए । रमाईलो कुरा त के छ भने, यशको हिरोइनको रुपमा उनको पहिलो सिनेमा बाटो मुनिको फुलकै हिरोइन रेखा थापा यस सिनेमामा पनि देखिन लागेकी छिन् । यस सँगै उनीहरुको फिल्मी रोमान्स फेरी चल्ने कुरा नकार्न सकिन्न । यश र रेखाका अतिरिक्त सिनेमामा आयुष रिजाल, कल्पना शाही आदि कलाकारहरुको अभिनय रहने छ । बिरको मुख्य भुमिकामा पहिले अर्का नायक अमिर राजले अभिनय गर्ने भनिएको थियो तर कुरा नमिलेपछि यशलाई लिईएको श्रेष्ठले खुलाशा गरे।