हरिवंश पत्नी मीराको अन्त्यष्टि

हास्यअभिनेता हरिवंश आचार्यकी धर्मपत्नी मीरा आचार्यको उपचारका क्रममा मंगलबार काडमान्डौं मोडल हस्पिटलमा निधन भएको छ । उहाँलाई मष्तिस्क पक्षघातका कारण चारदिन अघि अस्पतालमा भर्ना गरिएको थियो । ४१ बर्षीया आचार्यको सोमबारदेखि स्वास्थ्य अवस्था चिन्ताजनक बनेको परिवार स्रोतले जनाउँदै आएको थियो । यता उपचारमा सँलग्न चिकित्सकहरुले आचार्यको अवस्था स्थिर रहेको बताउँदै आएका थिए । उहाँको निधन मंगलबार नै भएपनि परिवारको आग्रहमा उक्त खबर बाहिर ल्याईएको थिएन । आचार्यलाई अक्सिजन दिएर हस्पिटलको आइसियुमा राखिएको थियो । यसैबिच अहिले पशुपति आर्यघाटमा आचार्यको शवलाई दाहसँस्कार गरिदै छ । आफ्नी आमाको स्वास्थ्य अवस्थाका सम्बन्धमा थाहा पाएर उहाँको ज्येष्ठ सुपुत्र त्रिलोक पनि अमेरिकाबाट बुधबार बिहानै नेपाल आईपुगेका थिए । दिवँगत आत्माको चिरशान्तिको कामना ब्यक्त गर्न र शोकमा डुबेका परिवारलाई समवेदना ब्यक्त गर्न कलाकार, सर्वसाधारण र शुभचिन्तकहरुको आर्यघाटमा उपस्थिति रहेको छ । अब्रोड नेपाली  परिवार दिवँगत आत्माको चिरशान्तिको कामना गर्दै शोकाकुल परिवार प्रति हार्दिक समवेदना प्रकट गर्दछौं ।