Tuesday, March 15, 2011

तीन चलचित्र बीच भिडन्त

नेपाली सिनेमा उद्योगमा हरेक साता दुईभन्दा बढी चलचित्र प्रदर्शनमा आउनु नौलो कुरा होइन । यो साता पनि पूर्वका सिनेमा भवनमा तीन चलचित्र बीच प्रदर्शनको भिडन्त हुँदैछ । ती चलचित्रहरु कसम, तहल्का डटकम र ब्याच नं. १६ हुन् । ब्याच नं. १६ फागुन २० बाट देशभर प्रदर्शनमा आएको हो भने कसम र तहल्का डटकम उपत्यका र अन्य स्थानमा प्रदर्शन भएपछि पूर्व भित्रिएको हो । रामप्रसाद रिजालको निर्माण र उनका भाइ लक्ष्मण रिजालको निर्देशनमा बनेको चलचित्र कसम फागुन २९ गते धरानको गणेश टाकिजबाट प्रदर्शनमा आएको छ । दमक, बिर्तामोड, बेलबारी लगायत पूर्वका अन्य स्टेशनहरुमा सो चलचित्र चैत १ गतेबाट प्रदर्शित हुनेछ । त्यस्तै उच्च प्रविधि र धेरै लगानीमा बनेको भनेर चर्चामा आउन सफल ब्याच नं. १६ पनि अहिले डीसीएनका सिनेमा भवनहरुमा प्रदर्शन भइरहेका छन् । दमक, बिर्तामोड र पूर्वका अन्य स्टेशनमा चलचित्रको प्रारम्भिक व्यापार सन्तोष जनक रहेको रिपोर्ट प्राप्त भएको छ । विक्रान्त श्रेष्ठको निर्माण र पिताम्बर पाण्डेको निर्देशन रहेको चलचित्रमा सुमन सिंह, रुबी भट्टराई, अर्पण थापा, अनुप बराल, शुष्मा कार्की, ममता प्रधान लगायतले अभिनय गरेका छन् । 

0 comments:

Post a Comment

Please Use the Appropriate Language While Commenting. Profanity Words are not Applicable. Thanks For Your Continue Support to Our Site.

 
Disclaimer: Please note, AbroadNepali is nepali entertainment collection website. All of the videos found here comes from 3rd party video hosting sites such as YouTube, DailyMotion, zSHARE, megavideo. We do not host any of the videos. Please contact to the appropriate video hosting site for any video removal.